హరిభక్తివోడ యెక్కినట్టివారలే కాని
తరగు మొరగులను దాటలే రెవ్వరును

నిండు జింతాజలధికి నీళ్ళు దనచిత్తమే
దండిపుణ్యపాపాలే దరులు
కొండలవంటికరళ్ళు కోరికె లెందు చూచినా
తండుముండుపడేవారే దాటలే రెవ్వరును

ఆపదలు సంపదలు అందులోనిమకరాలు
కాపురపులంపటాలే కైయెత్తులు
చాపలపుగుణములే సరిజొచ్చేయేరులు
దాపుదండ చేకొని దాటలే రెవ్వరును

నెలవై వుబ్బునగ్గులే నిచ్చలు బోటును బాటు
బలువైనయాళే బడబాగ్ని
యెలమి శ్రీవేంకటేశుహితులకే కాల్నడ
తలచి యితరులెల్ల దాటలే రెవ్వరును