హరిదాసులతోడ నల్పులు సరెననరాదు
గురుడు శిష్యుడుననే గుఱిదప్పుగానా

కోరి ముత్యపుజిప్పల గురిసినవానయు
సారె బెమ్కులలోవాన సరియౌనా
శ్రీరమణు డిన్నిటాను జేరియుంటే నుండెగాక
సారెకు బాత్రాపాత్రసంగ తంతా లేదా

మలయాద్రి మాకులును మహిమీదిమాకులును
చలమున నెంచిచూడ సరియౌనా
అలరి దేవుడు అంతర్యామియైతే నాయగాక
తెలియగ క్షేత్రవాసి దిక్కులందు లేదా

అమరులజన్మములు నసురలజన్మములు
బమళి బుట్టినంతలో సరియౌనా
అమరి శ్రీవేంకటేశు డాతుమైతే నాయగాక
తమితో నధికాతిభేదములు లేవా