హరివారమైతిమి మ మ్మవుగాదనగరాదు
తరముగా దికను మాతప్పులు లోగొనరో

వెన్నడించిసూడువట్టేవిష్ణుమాయ నీకు నేము
యిన్నిటా బంతమిచ్చేము యింక గావరో
నన్నల ఎట్టిగొనేటిసంసారబంధము నీకు
మున్నె కిందువడితిమి ముంచి దయ జూడవో

ఆడించేటి కామక్రోదాదిజూజరులాల
వోడితిమి మీకు దొల్లె వొరయకురో
వీడనికర్మమ నీకు వెఱచి వూరి గఱచే
మీడనే ధర్మదార మా కికనైనా బట్టవో

దక్కగొన్న మాలోనితనుభోగములాల
మొక్కితిమి మాకు గొంతమొగమోడరో
యెక్కువ శ్రీవేంకటేశు డేలె మా జన్మములాల
గక్కున వేడుకొంటిమి కపటాలు మానరో