ఇలువేల్పితడే ఇందరికిని మరి
పలువేల్పులతో పనియికనేలా

కమలారమణుని కరుణేకాదా
అమరులు గొనియెడియమృతము
అమితపు శ్రీహరియాధారముగాదా
నెమకేటి ప్రాణులు నిలిచిన భూమి

దనుజాంతకు బొడ్డుతామెర కాదా
జననకారణము సర్వమునకు
మనికై హరిసతిమహిమే కాదా
నినుపై భువిలో నిండినసిరులు

యితనికొడుకు రచనింతాఁగాదా
సతులపతుల సంసారరతి
గతిశ్రీవేంకటపతిలోకమె వు-
న్నతివైకుంటపునగరపుముక్తి