ప|| జనులు నమరులు జయలిడగా | ఘనుడదె వుయ్యాలగంభముకాడ ||

చ|| వదలక వలసినవారికి వరములు | యెదురెదురై తానిచ్చుచును |
నిదురలేక పెనునిధినిధానమై | కదల డదే గరుడగంభముకాడ ||

చ|| కోరినవారికి కోరినవరములు | వోరంతప్రొద్దు నొసగుచును |
చేరువయై కృపసేసీ నిదివో | కూరిముల నడిమిగోపురమాడ ||

చ|| వడి వేంకటపతి వరములరాయడు | నుడుగు గాళ్ళు గన్నులు సుతుల |
బడిబడి నొసగును బ్రాణచారులకు | కడిమి నీడదిరుగనిచింతాడ ||