కాకుంటే యీశూన్యవాదకంఠినచిత్తులచేత
పైకొని వివేకులకు బ్రదుకగవచ్చునా.

అల్లనాడు నిరాకారమనెడిమాటలచేత
వెల్లిబోయ లోకములో విజ్ఞానమెల్లా
కల్లని మీత్రివిక్రమాకారము చూపి మీరు
చెల్లబెట్టితిరి వేదశిఖలందు మరియు.

ఆలకించి యహంబ్రహ్మనెడిబుద్దులచేత
గాలిబోయ భక్తి యల్లా కాలమందే
యేలి ప్రహ్లాదునికిగా హిరణ్యకశిపునొద్ద
యేలికబంటువరుస లిందె చూపితిరి

అంతా నొక్కటియనే అధర్మవిధులచేత
గుంతబడె బుణ్యమెల్లా గొల్లబోయి
ఇంతట శ్రీ వేంకటేశ యెక్కుడు నేనని కొండ
వింతగాగ లొడవెక్కి విఱ్రవీగితివి.