ప|| కాలాంతకుడను వేటకాడెప్పుడు దిరిగాడును | కాలంబనియెడి తీవ్రపుగాలివెర వెరిగి ||

చ|| పరమపదంబనుచేనికి పసిగొనురనమృగములకును | తరమిడి, సంసారపుటోదములనె యాగించి |
వురవడి జేసినకర్మపుటురులు దరిద్రంబనువల | వొరపుగ మాయనుపోగులు వొకవెరవున వేసీ ||

చ|| కదుముకవచ్చేటి బలురోగపుగుక్కల నుసికొలిపి, | వదలక ముదిసినముదిమే వాకట్టుగ గట్టి, |
పొదలుచు మృత్యువు పందివోటై నల్లెట నాడగ, | పదిలముగా గింకరులనుచొప్పరుల బరవిడిచీ ||

చ|| ఆవోదంబుల జిక్కక, ఆవురులను దెగనురికి, | ఆవేటకాండ్ల నదలించాచేనే చొచ్చి, |
పాపమతి బొరెవొడిచి పరమానందము బొందుచు | శ్రీవేంకటపతి మనమున జింతించీ నరమృగము ||