ప|| కాలము కాలముగాను కపటాలే తఱచాయ | చాలునింక దీనితోడీజాలి మానరే ||

చ|| పిన్ననాటనుండి తనపెంచినయీదేహము | మున్నిటివలెగాదు ముదిసీని |
యెన్నికదినాలచేత నెప్పుడేడ బడునో | కన్నవారిచేతికి గక్కున నియ్యరే ||

చ|| తోలునెముకలచేత దొడ్డైనయాదేహము | గాలిచేత దాలిమీద గాగీని |
కీలుగీలు యెప్పుడేడ కింద వీడిపడునో | మేలుగీడు లేనిచొట మేటిజేసిపెట్టరే ||

చ|| కింకపుకినరుచేత కీడైనదేహము | వంకవంకతెరవుల వడిసీని |
యింక నీవిధిచేత నెప్పుడేడ బడునో | వేంకటేశు జేర బడవేయగదరే ||