ప|| కామధేనువై కలిగె నీధరణి | వాములు వలసినవారికి విధులు ||

చ|| అందరు జీవులే ఆయాకర్మము | బొంది బుద్ధు లెప్పుడు వేరు |
కొందరు స్వర్గము గోరి సుఖింతురు | కొందరు నరకాన గూలుదురు ||

చ|| దేవు డిందరికి దిక్కై యుండును | భావాభావమే బహువిధము |
దేవత లమృతాధీనమై మనిరి | తోవనె దనుజులు దురిత మందిరి ||

చ|| పుట్టుగందరికి పొంచి కలిగినదె | దట్టపుమనసులే తమకొలది |
యిట్టే శ్రీవేంక్టేశుడు సేసిన- | యట్టౌ నాతడు అదివో యెదుట ||