ప|| కామించి నీవరుగగలయు నాయకుడ నే- | డేమి భాగ్యము సేసెనే తరుణి ||

చ|| కాగిన గుబ్బల మీద కమ్మజెమటలదొప్ప | దోగిన పయ్యెద కొంగు దూలగును |
వేగైన కొప్పున క్రొవ్విరులు దురిమి విర్ర- | వీగుచు నీవెటు వొయ్యేవే తరుణి ||

చ|| ఒప్పైన శిరసు మీదగుప్పరించిన జవ్వాది | చిప్పిలి చెక్కుల వెంటబొందగను |
అప్పళించిన కస్తూరిలప్పలు రాలగ నీ- | విప్పుడెక్కడికి నేగేవో తరుణి ||

చ|| వీడినది మొలనూలు విరుల చెదరె కొంత | వాడినది కెమ్మోని వన్నెలై |
ఈడులేని తిరువేంకటేశుడిదె నిన్ను గూడె | యీడ గొత్తలివి యేటివే వోతరుణి ||