కాంతల మానమనేటి కరవటాలకు దిగె
మంతనాన జీవుడనే మంచిమరకాడు ||

అరిది సంసారమనే యంబుధిలోన దిరిగి
వురుగతి దేహిపుటోడ మీద
సరి బాపుణ్యముల సరకులు నించుకొని
దరిచేరెజీవుడనే తల మరకాడు ||

కడలేని నిట్టూర్పు గాలి విసరగాను
జడియు గోరికలనె చాపలెత్తి
అడి బరవుగ మాయ అందునిండా నించుకొని
యెడ తాకె జీవుడనే యీమరకాడు ||

అలర శ్రీవేంకటేశుడనియేటి మాలిమి
నలుదిక్కులకు నోడ నడపగాను
ములిగె ధర్మార్ధకామ మోఖ్శ ధనము గదించి
పలుమాఋ జీవుడనే బలుమరకాడు ||