కౌసల్యానందన రామకమలాప్తకుల రామ
భాసురవరద జయ పూర్ణ రామ

మునుప దశరధరాముడవై తమ్ములు నీవు
జనించి తాటక జంపి జన్నము గాచి
వెనుకొని హరువిల్లు విరిచి సీత బెండ్లాడి
అనుమతి పరశురామునిచే గైకొంటివి ||

సుప్పనాతి శిక్శించి సొరిది రుశుల గాచి
అప్పుడే ఖరదూశణాదుల గొట్టి
చొప్పుతో మాయామ్రుగము సోదించి హరియించి
కప్పిహనుమంతు బంటుగానేలుకొంటివి ||

సొలసి వాలినడచి సుగ్రీవు గూడుక
జలధి బంధించి లంకసాధించి
వెలయ రావణుగెల్చి విభీశణుని మన్నించి
చెలగితివయోధ్యలో శ్రీవేంకటేశుడా ||