కేశవ దాసినైతి గెలిచితి నన్నిటాను
యీ శరీరపు నేరా లికనేలా వెదక

నిచ్చలు కోరికలియ్య నీ నామమే చాలు
తెచ్చి పునీతు(జేయ నీ తీర్థమే చాలు
పచ్చి పాపాలణచ నీ ప్రసాదమే చాలు
యెచ్చుకొందు వుపాయాలు ఇకనేల వెదక

ఘనుని( జేయగని నీ కైంకర్యమే చాలు
మొనసి రక్షించను నీ ముద్రలే చాలు
మనిసి(పి?) కావగ తిరుమణి లాంఛనమే చాలు
యెనసెను దిక్కుదెస ఇకనేల వెదక

నెలవైన సుఖమియ్య నీధ్యానమే చాలు
నిలదాపు దండకు నీయర్చనే చాలు
యిలపై శ్రీవేంకటేశ యిన్నిటా మాకు గలవు
యెలమి నితరములు యికనేల వెదక