ప|| కాకున్న సంసారగతులేల | లోకకంటకములగు లోభములేల ||

చ|| వినికిగనవలసినను విష్ణుకీర్తన చెవికి | వినికిచేసిన నదియె వేదాంతబోధ ||
మనికిగనవలసినను మధువైరిపై భక్తి | వునికి ప్రాణులకు బ్రహ్మోపదేశంబు ||

చ|| చదువు గనవలసినను శౌరినామము దిరుగ | జదువుటే సకలశాస్త్రముల సమ్మతము |
నిదుర గనవలసినను నీరజాక్షునికి దన- | హృదయమర్పణ సేయుటిది యోగనిదుర ||

చ|| ఆస వలసిన వేంకటేశ్వరునికృపకు- | నాససేయుటే పరమానందసుఖము |
వాసి గనవలసినను వైష్ణవాగారంబు | వాసి సేయుట తనకు వైభవస్ఫురణ ||