ప|| కలదింతె మాట కంతుని యాట | తెలుసుకో నీలోనిదియె పూట పూట ||

చ|| అలమేలుమంగా హరియంతరంగా | కలితనాట్యరంగ కరుణాపాంగ |
చెలువుడు వీడె చేకొను నేడె | వలరాజు తూపులివి వాడిమీద వాడి ||

చ|| అలినీలవేణి యంబుజ పాణి | వెలయంగ జగదేక విభునిరాణి |
కలయు నీపతి వచ్చె గక్కన నిన్నిదె మెచ్చె | పలికీని చిలుకలు పచ్చిమీదబచ్చి ||

చ|| సిత చంద్రవదనా సింగారసదనా | చతుర దాడిమ బీజచయరదనా |
యితవైన శ్రీవేంకటేశుడు నిన్నిదె కూడె | తతి దలపోతలు తలకూడెగూడె ||