కలశా పురముకాడ కందువ చేసుకోని
అలరుచున్నవాడు హనుమంతరాయడు

సహజానన ఒక జంగచాచి సముద్రము దాటి
మహిమ మీరిగ హనుమంతరాయడు
ఇహమున రాము బంటై ఇప్పుడు నున్నవాడు
అహరహమును దొడ్డ హనుమంతరాయడు

నిండు నిధానపు లంక నిమిషాన నీరుసేసె
మండిత మూరితి హనుమంతరాయడు
దండితో మగిడి వచ్చి తగ సీత శిరోమణి
అండ రఘుపతి కిచ్చె హనుమంతరాయడు

వదలని ప్రతాపాన వాయుదేవు సుతుడై
మదియించి నాడు హనుమంతరాయడు
చెదరక యేప్రొద్దు శ్రీవేంకటేశు వాకిట
అదివో కాచుకున్నాడు హనుమంతరాయడు