కన్నవారెవ్వరు నేడు కాంతజవ్వనమిది
పన్నిన విభుడ నీభాగ్గ్యమాయగాక ||

పట్టబసయేది పడతి నడుము నేడు
బట్టబయలవు అందుభావనే కాదా
అట్టెట్టెనగనేది అంగన తురుము నేడు
పుట్టు మేఘమిట మింపోడవేగాదా ||

యెంచగ జోటేది యింతికనుచూపులివి
కంచుమిచ్చులట చెప్పకధలేకాదా
పొంచి దాచ జోటేది పొలతి కుచములివి
పెంచెపుజక్కవలట బెదరేవే కావా ||

తలపోత యేది కాంతకు శ్రీ వేంకటపతి
వలపట మతిపరవశమే కాదా
తలగ నోటేది తడబడే రతులలో
పలుకు బంతములెల్ల పదరుటే కాదా ||