కంటే సులభమిది కానక యుంటే దుర్లభ
మింటిలోననే వున్న దిహము బరమును ||

హరిదాసులు మెట్టినక్కడే పరమపద
మరయ నిందుకంటె నవల లేదు
తిరమై వీరిపాదతీర్థమే విరజానది
సొరిది నన్నిచోట్లు చూచినట్టే వున్నది ||

మచ్చిక వైష్ణవులమాటలెల్లా వేదములు
యిచ్చల నిందుకంటే నింక లేదు
అచ్చట వీరిప్రసాద మమృతపానములు
అచ్చమై తెలిసేవారి కఱచేత నున్నది ||

చెలగి ప్రపన్నులసేవే విజ్ఞానము
ఫల మిందుకంటే మఱి పైపై లేదు
తలప శ్రీవేంకటేశుదాసులే యాతనిరూపు
లెలమి నెదుట నున్నా రెఱిగినవారికి ||