కంటిమి రెంటికి భూమి గలుగుదృష్టాంతరము
గొంటరిరావణునందు గుహునియందు ||

నీదాస్యము గలనీచజన్మమైన మేలు
యేదియునెఱగనట్టియెక్కువజన్మానకంటే
వాదపుగర్వము లేదు వట్టియాచారము లేదు
సాధించి నైచాన్యుసంధానమేకాని ||

మిమ్ము దలపుచు జేయుమృగయానమైన మేలు
సొమ్ముపోక మీకుగని సుకృతము సేయుకంటె
దిమ్మరిజన్మము లేదు తెగనికోరిక లేదు
పమ్మి నీపై బెట్టినట్టిభారమేకాని ||

దిక్కులు సాధించుకంటె తెలిసి శ్రీవేంకటేశు
దిక్కు నీనామమే కా సాధించుటే మేలు
యెక్కువ తక్కువ లేదు యెఱు కెఱుగమి లేదు
చక్కజాడతో నీకు శరణంటేగాని ||