ప|| కొమ్మ దన ముత్యాలకొంగు జారగ బగటు | కుమ్మరింపుచుం దెచ్చుకొన్నది వలపు ||

చ|| ఒయ్యారమున విభుని వోరపు గనుంగొని రెప్ప | ముయ్యనేరక మహామురిపెమునను |
కయ్యపుం గూటమికి కాలుద్రువ్వుచు నెంత | కొయ్యతనమునం దెచ్చుకొన్నది వలపు ||

చ|| పైపైనె ఆరగింపకుము పన్నీరు గడు | తాపమవునని చెలులు దలంక గానె |
తొప్పలియుచుం గెంపు తొలంకు గన్నులకొనల | కోపగింపుచుం దెచ్చుకొన్నది వలపు ||

చ|| ఎప్పుడునుం బతితోడ నింతేసి మేలములు | వొప్పరని చెలిగోర నొత్తంగానె |
యెప్పుడో తిరువేంకటేశు కౌగిటం గూడి | వొకొప్పు గులుకుచుం దెచ్చుకొన్నది వలపు ||