పల్లవి:

కొమ్మలాలా ఎంతవాడె గోవింద రాజు
కుమ్మరించీ రాజసమే గోవింద రాజు

చరణం:

చరణం:

ఉలిపచ్చి నవ్వులతో ఒత్తిగిలి పవళించి
కొలువు సేయించుకొనీ గోవింద రాజు
జలజాక్షు లిద్దరును సరి పాదాలొత్తగాను
కొలది మీర మెచ్చేనీ గోవింద రాజు

చరణం:

అదె నాభికమలాన అజుని పుట్టించి తాను
కొద లేక ఉన్న వాడు గోవింద రాజు
చెదరక తన వద్ద సేవ సేసే సతులకు
గుదిగుచ్చీ వలపులు గోవింద రాజు

చరణం:

ఒప్పుగా వామకరము ఒగిచాచి వలకేల
కొప్పు కడునెత్తినాడు గోవింద రాజు
ఇప్పుడు శ్రీ వేంకటాద్రి నిరవై శంఖుచక్రాలు
కుప్పె కటారము(లు) పట్టె గోవింద రాజు