కొండలో గోవిల గుయ్యగుండె వగిలె నీ
యండకురాగా బ్రాణమంతలో బ్రదికెరా ||

వలచి నిన్ను వెదకి వడి నేరాగాను
పులివలె మగడుండె బోనియ్యక
తలచి నాకంతలోనే తల నొవ్వగాను
చిలుకుబులక లెత్తి సిగ్గుమాలె వలపు ||

ఏమరించి ఇంటివారి నెడసి నే రాగాను
గామైన బిడ్డ యేద్చెగదలనీక
తామసించి యుండలేక తల్లడించగాను
చీమలు మైవాకినట్టు చిమ్మిరేగె వలపు ||

వుండలేక ఇప్పుడు నీ వొద్దికి నే రాగాను
కొండవలె మరదుండె గోపగించుక
బొండుమలె పరపుపై బొరలేటి ఇట్టినన్ను
కొండలరాయడ నిన్ను గూడించె నా వలపు ||