ప|| కొండో నుయ్యో కుమతులాల | తండుముండు తట్టుముట్టు తాకైన గనుడీ ||

చ|| కాకివోటు జముచేత కందుకుందు మరుచేత | మా కాపని గాదు మనుజులాల |
పోకుమని యాపరాదు పొమ్మని చెప్పగరాదు | మీకుమీకే చూచుకొండు మీరే కనుడు ||

చ|| గాములిల్లు పుట్టమీదికప్పు తోలు పైకప్పు | నేమా యెరుగము నిపుణులాల |
పామునోరికడి మీప్రాణపుటూరుపుగాలి | జాము జాము మేలుగీడు చక్కజేయ గనుడు ||

చ|| రచ్చమానిచింతకిందు రాపులకూటమిపొందు | ముచ్చో చిచ్చో మూఢులాల |
యెచ్చరికతోడ వేంకటేశుదాసుల గూడి | పచ్చిగచ్చుమేనితోడ భయమెల్ల బాయడు ||