కొండవంటి దొరవు నీ గుణమేల విడిచేవు
వుండరాదా నీవుండే వొడికానను

కడుతగవు చెప్పేవు కట్టకానికలు వెట్టి
అడిగితిమా నిన్ను నయ్యోనేడు
బడిబడినీవు చెప్పే పండితనాయానకు
తొడిబడనెవ్వతైనా తుచ్చమాడకుండునా

వెట్టిసాకిరి చెప్పేవు విత్తూదిమ్మిరివేసి
నెట్టన గరి గోరేమా నేడు నిన్నును
బెట్టిమాటలాడి నీవు పిరిదూరి రాగాను
గుట్టుచెడ నెవ్వతైనా కోపగించకుండునా

నీతులు చెప్పవచ్చేవు నిను పెద్దతనమిచ్చి
ఆతలనడిగితిమా అప్పటినిన్ను
కాతరాన నన్ను శ్రీవేంకటనాథ కూడితివి
ఘాత రతి లోపల నా కాలు దాకకుండునా