ప|| కోరికె దీరుట యెన్నడు గుణమును నవగుణమును జెడి | వూరక యీమది నీపైనుండుట యెన్నడొకో ||

చ|| చిత్తం బాకలి దీరదు, చింత దలంపున బాయదు | యెత్తినపరితాపమునకు నేదీ మితిమేర |
హత్తినపుణ్యము బాపము నప్పటిసుఖములకొరకే | వత్తికి నూనెకు గొలదై వడి జనె దివసములు ||

చ|| జీవుడె పరతంత్రుడుగన చింతింపడు నిన్నెప్పుడు | చావును బుట్టుగు సహజము శరీరధారులకు |
శ్రీవనితాహృదయేశ్వర శ్రీవేంకటగిరివల్లభ | పావనమతిమై ప్రాణులు బ్రదుకుట యెన్నడొకో ||