కోరుదు నామది ననిశము గుణధరు నిర్గుణు కృష్ణుని
నారాయణు విశ్వంభరు నవనీతాహారుని ||

కుండలి మణిమయ భూషణు కువలదళ వర్ణాంగుని
అణ్డజపతి వాహనుని అగణిత భవహరుని
మణ్డన చోదకదమనుని మాలాలంకృత వక్షుని
నిండు కృపాంబుధి చంద్రుని నిత్యానందుని ||

ఆగమపుంజ పదార్థుని ఆపత్సఖ సంభూతుని
నాగేంద్రాయుత తల్పుని నానా కల్పుని
చాగుబ్రహ్మ మయాఖ్యుని సంతతగాన విలోలుని
వాగీశ సంస్తోత్రుని వైకుంఠోత్తముని ||

కుంకుమ వసంతకాముని గోపాంగన కుచలిప్తుని
శంకర సతీమణి నుతుని సర్వాత్ముని సముని
శంఖ నినాద మృదంగుని చక్రాయుధ విదీప్తుని
వేంకటగిరి నిజవాసుని విభవ విధాయకుని ||