ప|| కపటాలు వద్దు గాక కాంతలతోను | యిపుడు చెల్లదా నీకు యెంత సేసినాను ||

చ|| తమకాన నాపెపేరుతడవితి వింతేకాక | మమకారము నామీద మరచేవా |
భ్రమసితినంతా నాతోబాసలు సేయ గనేల | జమళి నెందరైనా దోసములా నీకేమీ ||

చ|| ననుపున నాతోడ నవ్వితి వింతేకాక | యెనసి నన్ను మన్నించ కేల మానేవు |
పని పరాకంతా నొడంబరచక నింతయేల | తనివి చాలకుండితే తగదా నీకేమీ ||

చ|| సొలసి మోక్కగా నాపె జూచితి వింతేకాక | తలసితివి నన్ను నేకడమున్నదా |
తొలుతటి పొంతులంటా తొరలించ నిపుడేల | చెలితో శ్రీ వేంకటేశ సిగ్గా నీకేమీ ||