ప|| కటకటా దేహంబు గాసిబెట్టగవలసె | నిటువంటిదెసలచే నిట్లుండవలసె ||

చ|| చంపనొల్లకకదా సంసారమనియెడి- | గంపమోపు గడించె కర్మసంగ్రహము |
లంపటము విరియించ లావుచాలక తుదిని | దింప నొకకొంతైన తెగుదెంపులేదు ||

చ|| మనుపనోపకకదా మాయావిలంబమున | కనుమూసి కాంక్ష మరి కట్టె దైవంబు |
దినభోగములు విడువ దెరగేమిటను లేక | తనివిబొందించ నెంతయు వసముగాదు ||

చ|| తెలుపనోపకదా తిరువేంకటేశ్వరుడు | వెలలేనివేదనల వేచె బ్రాణులను |
బలిమి నజ్ఞానంబు బాయలే కితనినే | తలచి భవబంధముల దాటంగరాదు ||