ప|| కటకటా జీవుడా కాలముదోలుకరాగ | సటవటలనే పొద్దు జరపేవుగా ||

చ|| సమత నన్నియు జదివి కడపటను | కుమతివై అందరి గొలిచేవుగా |
తమిగొని ప్రేమ నెంతయును గంగకు బోయి | తమకించి నూతినీరు దాగేవుగా ||

చ|| తనువు బ్రాయము నమ్మి దానధర్మము మాని | చెనటివై కర్మాలు సేసేవుగా |
వొనరగ మీదనొడ్డినమొగులు నమ్మి | దొనలనీళ్ళు వెళ్ళదోసేవుగా ||

చ|| యెలమితో దిరువెంకటేశు గొలువలేక | పొలమురాజులవెంట బొయ్యేవుగా |
చిలుకకువలె బుద్ధిచెప్పిన గానలేక | పలుమారకే తోజు బాడేవుగా ||