కటకటా యిటుచేసె గర్మబాధ
యెటువంటివారికిని నెడయదీబాధ ||

దినదినము బ్రాణులకు దీపనముచే బాధ
తనుపోషణములు కందర్పబాధ
మనసుశాంతికి సదా మమకారములబాధ
తవివోనికోర్కులకు దైవగతిబాధ ||

వెడయాసచూపులకు వేడుకలచే బాధ
కడువేడ్కలకు వియోగములబాధ
తొడవైనయెఱుకలకు దురితబుద్ధులబాధ
జడియుబరచింతలకు సంసారబాధ ||

అరిది నిశ్చయమతికి ననుమానములబాధ
సరిలేనిజీవులకు జన్మబాధ
తిరువేంకటాచలాధిపుని గని మని కొలుచు-
వెరవుచేతనె కాని వీడదీబాధ ||