ప|| కూడు వండుట గంజికొరకా తనకు | వేడుకలు గల సుఖము వెదుకుటకు గాక ||

చ|| కుప్ప నురుచుట కసవుకొరకా తనువు | గొప్పయవుటిది మదము కొరక |
ఒప్పయిన వేడుకల నొరసి మనసు | నెప్పునకు రాదివియ నేరవలె గాక ||

చ|| కొలుచు దంచుట పొట్టకొరకా తా- | గులజుడై మూఢుండౌ కొరకా |
తలపోసి యిన్నిట దగిలి మీదు | తెలిసి సుఖదుఃఖముల దెలియవలెగాక ||

చ|| కొండ దవ్వుట యెలుకకొరకా తా- | గొండ యెక్కుట దిగుట కొరకా |
కొండల కోనేటిపతి గొలిచి తనకు | నిండి నాపదలెల్ల నీగవలె గాక ||