ప|| లోకపు నీ చేతలకు లోనేకాదా | నీకు మారుకొని యుండ నేరుపా నాకు ||

చ|| వుడివోని జవ్వనము వొడిగట్టుకొని నీతో | పడిబెట్టి యలుగగ సంగతే నాకు |
చిడిముడి కోరికలు చిత్తములో నుండగాను | తడిసి నిన్ను బాయగ తగునా నాకు ||

చ|| వుప్పతిల్లు జన్నులు వురమున మోచుకొని | చిప్పిలనీ నేరాలెంచ జెల్లునా నాకు |
ముప్పిరి మొగమోటలు మోముమీద నుండగాను | అప్పుడే నిన్నణకించ ననువా నాకు ||

చ|| నించుకొన్న జవ్వనము నిలువున బెట్టుకొని | చండసేసి పెనగగ సరవే నాకు |
అండనే శ్రీవేంకటేశ అంతలో నన్నేలితివి | అందుకాచి దూరదగ నవునా నాకు ||