ప|| మాపుదాకా రేపకాడ మాటకు మాటాడగాను | యేపున దెగని పనికేల పెట్టేవాన ||

చ|| నవ్వినవ్వి మానేవు నడుమ నడుమ నీవు | జవ్వని యెవ్వతేమైనా సన్న సేసెనా |
వువ్విళ్ళూర నీనిజము వొరసి చూచే నింతే | యెవ్వరిందుకు గురయ్యేరేల పెట్టేవాన ||

చ|| చప్పిచెప్పి కొంకేవు సిగ్గులు పడుతా నీవు | వుప్పటించనీడ నెవ్వరున్నారు నీకు |
రెప్పలెత్తి చూచి నిన్నురేచి వెదకేనింతే | యెప్పటి వాడవే నీవు యేల పెట్టేవాన ||

చ|| ముట్టిముట్టి చూచేవు మొరగి నాకుచములు | యిట్టె యెవ్వతెవైనా యీడు వచ్చెనా |
నెట్టన శ్రీ వేంకటేశ నిరతి మెచ్చితినింతే | యెట్టకేలకైన పనికేల పెట్టేవాన ||