మాటలేల మనసుకు మనసేసాక్షి
యేటికి బరాకు సేసే వింతిగానవయ్యా ||

కామిని తాపమునకు గప్పిన పయ్యద సాక్షి
చేమిరి చింతకు చెక్కు చేయే సాక్షి
వాముల వూరుపులకు వాడిన మోవే సాక్షి
యేమరిపాటు విచ్చేసి ఇంతి జూడవయ్యా ||

వడియు గన్నీటికిని వట్రువ గుబ్బలే సాక్షి
తడుపు జెమటలకు తనువే సాక్షి
చిడుముడి యలతకు చెదరు గురులే సాక్షి
యెడసేయక విచ్చేసి ఇంతిగానవయ్యా ||

నే కెదురు చూచుటకు నిట్టు చూపులే సాక్షి
పైకొన్న యవస్థలకు పానుపులే సాక్షి
చేకొని శ్రీ వేంకటేశ చేరి కూదిటి వింతట
యీకడ నిట్టే కరుణ నింతి జూడవయ్యా ||