ప|| మేలు లేదు తేలు లేదు మించీ నిదే హరిమాయ | కాలమందే హరి గంటి మొకటే ||

చ|| సురలును జీవులే నసురలును జీవులే | ధర నిందు బ్రకృతిభేదమేకాని |
సురలకు స్వర్గ మసురలకు నరకము | పరగ నీరెంటిగతి పాపపుణ్యములే ||

చ|| పొలతులు జీవులే పురుషులు జీవులే | తలప భావభేదములేకాని |
బలిమి స్వతంత్రము బరతంత్ర మొకరికి | యెలమి నిందులో జెల్లే హీనాధికములే ||

చ|| రాజులును జీవులే రాసిబంట్లు జీవులే | వోజతో సంపద చెల్లే దొకటే వేరు |
సాజపుశ్రీవేంకటేశు శరణ మొక్కటే గతి | బాజు గర్మ మొండొకటి బంధమోక్షములు ||