మేలుకొనవే నీలమేఘ వర్ణుడా
వేళ తప్పకుండాను శ్రీవేంకటేశుడా

మంచము పై నిద్ర లేర మల్లెల వేసేరు
ముంచి తురుము ముడువ మొల్లల వేసేరు
కంచము బొత్తారగించ కలువలవేసేరు
పించపు చిక్కు తీర సంపెంగలు వేసేరు

కలసిన కాక దీర గన్నెరుల వేసేరు
వలపులు రేపి విరజాజుల వేసేరు
చలువుగా వాడుదేర జాజులవేసేరు
పులకించ గురువింద పువ్వుల వేసేరు

తమిదేర గొపికలు తామరలు వేసేరు
చమటార మంచి తులసిని వేసేరు
అమర శ్రీ వేంకటేస అలమేలుమంగ నీకు
గమత పన్నీటితో చేమంతుల వేసేరు