మేర లేని వల పిది మీ కేల తెలుసునే
యీ రసమయ్యే బుద్ధులేల చెప్పేరే

ఆట దెంత గబ్బి యన్నా ననుడ మీ రిక వేయి
మాటలన్నా వాని నేను మాన లేనే
వేటలాడే మదనుడు విరహుల బొడగంటే
యీటెలవంటి పూబాణా లేమరుండీనా

అమ్మరోయంతటి కల్ల యన్నానంటిరి గాని
వమ్మువోని వాని పొందు వదలలేనే
కమ్మటి జందురుడు కాకల బొరలేవారిపై
కుమ్ము వంటి వెన్నెలలు గుప్పకుండీనా

అతివ మారాడ జెల్ల దన్నానంటిరి గని
వెతలేని వాని రతి విడువలేనే
కతకారై నన్ను శ్రీవెంకటనాథు(డె)గూడె
ఇతవైన కళలెల్లా హెచ్చకుండీనా