మగవానికేడ సిగ్గు మగువలకింతేకాక
యెగసక్కేలాడేనంటా యేలనవ్వేవిపుడు ||

మంతనాన నిద్దరము మాటలాడుకొన్నవెల్లా
యింతలోనే ఆపెనేడు యెట్టెరిగెను
చెంతల నీవెమ్మెలకు చెప్పితివేమోకాక
వింతగా నీ చెవులనే వినవయ్యా ముద్దులు ||

చేరియింటిలో మనము చేసుకొన్న బాసలు
వారించి యాపెకు నే డవ్వరు చూపిరి
మేరమీరి మురిపెము మెరిసితివేమో కాక
ఆరీతి నీవే యడుగవయ్యా యీ సుద్దులు ||

పానుపువ్పై నిద్దరము పైకొన్న కూటములెల్లా
తానకమై యే రీతిగా దలచినది
కానీలే నీవే పెద్దరికము చూపేవే మోకాక
మేన శ్రీవేంకటేశుడ మెచ్చవయ్యా సుద్దులు ||