ప|| మహిమెల్లా దొప్పదోగె మజ్జనవేళ | సహజశృంగారాలు జడిసె శ్రీపతికి ||

చ|| మొత్తేలవానలెల్ల ముంచి కురిసినయట్టు | హత్తి పన్నీట జలకమాయ హరికి |
తత్తరాన దెల్లమొయిలు తను ఒదిగినయట్లు | కొత్తగా గప్పురకాపు గుప్పిరి దేవునికి ||

చ|| నీలపుబేరులెల్లా నిండా గట్టినయట్టు | తేల దట్టపుణుగు మెత్తిరి పతికి |
అలరిమెఱుగుదీగె లలముకొనినయట్టు | కోలుముందై సొమ్ములెల్లా గుప్పిరి విష్ణునికి ||

చ|| పెక్కునవరత్నములు పెద్దరాసి వోసినట్టు | యెక్కువదండలు గట్టిరి మూరితికి |
వొక్కట నలమేలుమంగ నురమున గట్టిరిదె | చిక్కనినవ్వులు మించె శ్రీవేంకటేశునకు ||