మీకుమీకునమరును మిక్కిలివేడుకలెల్లా |
కైకొని నేమెల్లా చూడగంటిమిగదె ||

సింగారరాయడుగదే చిత్తజుగురుడుగదే |
అంగవించి నిన్ను పెండ్లాడినాడు |
బంగారు పతిమవు పాలవెల్లి కూతురవు |
అంగన నీవు దేవులవైతివి గదే ||

కాంచనపు దట్టివాడు కౌస్తుభము మణివాడు |
మంచితనమున నీకు మగడుగదే వాడు |
మించు సిరుల దానవు మేటి తమ్మిపై దానవు |
ఎంచగ నితని వురము ఎక్కితివిగదవే ||

చేతులు నాల్గింటివాడు శ్రీవేంకటేశ్వరుడు |
ఆతుమగా నిన్నునేలి అలరెగదేవాడు |
ఈతల శ్రీకాంతవు ఇన్నిటా నేరుపరివి |
ఈతని కెప్పుడు నీవు ఇరవైతివి గదే ||