ప|| మనసు బండారము మగువమేను | పొదిగొన్న వలపులబొసగెగాన ||

చ|| మరుని యాయుధశాల మరునికొప్పు | తొరలించి విరులెల్లాదురిమెగాన |
యిరవై కీరములాయ మీపెగళము | సరసపుమాటలెల్లా జరపె గాన ||

చ|| కాముని సాము గరిడి కాంత వురము | ఆమని చను సంగడా లమరెగాన |
ప్రేమపుగేళాకూళి గంభీరనాభి | తేమ చెమటల చేత దిగుపారెగాన ||

చ|| కాంతుని వేట పొలము కన్నె పిఱుదు | బంతి మొలనూళ్ళ పోగు వారెగాన |
అంతటివానితల్లి యీయలమేల్మంగ | యింతలో శ్రీవేంకటేశు నెనసెగాన ||