ప|| మొదలుండ గొనలకు మోచి నీళ్ళు వోయనేల | యెదలో నీవుండగా నితరము లేలా ||

చ|| నిగమ మార్గముల నే నడచే నంటే | నిగము లెల్లను నీమహిమే |
జగము లోకుల జూచి జరిగెద నంటే | జగములు నీ మాయ జనకములు ||

చ|| మనసెల్ల నడ్డపెట్టి మట్టున నుండే నంటే | మనసు కోరికెలు నీ మతకాలు |
తనువు నింద్రియములు తగ గెలెచే నంటే | తనువు నింద్రియములు దైవము నీ మహిమా ||

చ|| ఇంతలోని పనికిగా యిందు నందు జొరనేల | చెంత నిండు చెరువుండ చెలమ లేలా |
పంతాన శ్రీవేంకటేశ పట్టి నీకే శరణంటి | సంత కూటాల ధర్మపు సంగతి నాకేలా ||