ప|| మోపుల చిగురుల చిమ్ములవేదము | ఆవుల మందలలోని ఆవేదము ||

చ|| మంచముపై చదివేది మరవకుమీ | కొంచెపు లేబలుకుల కొనవేదము |
పించపు శిరసుతోడ బిన్ననాడే చదివిన | తుంచి తుంచిన మాటల తొలివేదము ||

చ|| చల్లలమ్మే గొల్లెతల చక్కని జంకెనలకు | గొల్లపల్లెలోన దొరకొన్న వేదము |
తల్లి బిడ్డ లనక యందరి నొక్క వావిగా | పిల్లగ్రోవి నేరిపిన పెనువేదము ||

చ|| పంకజభవాదులు బడిబడి జదివించే | లంకెలు చెలగిన మెలపువేదము |
వేంకటనగము మీద వెలయు నిందిరగూడి | కొంకొక చదివిన చొక్కుల వేదము ||