మఱి యేపురుషార్థము మావంకలేదు మీకు
అఱువడము మాకెంత అత్తువో నీవు.

హరి నీవు నాకు నంతర్యామివైనఫలము
తిరిగినందే మావెంట దిరిగెదవు
ఇరవుగ నీవు మాకు నేలికవైనఫలము
గరిమె మాపాపమెల్ల గట్టుకొంటివి.

భువిలోన నీవు నన్ను బుట్టించినఫలము
ఇవల రక్షించేతొడుసిదొకటాయ
తివిరి నన్ను నీకుక్షి దెచ్చిడుకొన్నఫలము
జవళ నా నేరములు చక్క బెట్టబడెను.

గారవాన నన్ను వెనకవేసుకొన్నఫలము
చేరి నన్ను బుణ్యునిగా జేయవలసె
అరసి నాకు బ్రత్యక్షమైనఫలమున నన్ను
యీరీతి శ్రీవేంకటేశ ఇముడుకోబడెను.