ప|| మఱియు మఱియు నివె మాపనులు | మెఱసితి మిందే మిక్కిలివి ||

చ|| నారాయణునకు నమస్కారము | ధారుణీపతికిని దండము |
శ్రీరమణునకును జేరి శరణ్యము | వారిధిశాయికి వరుస జోహారు ||

చ|| రామకృష్ణులకు రచనలబంటను | దామోదరునకు దాసుడను |
వామనమూర్తికి వాకిటిగొల్లను | సోమార్కనేత్రునిసొరిదిలెంకను ||

చ|| గోవిందునికే కొలువులు సేతుము | దేవోత్తముబడి దిరుగుచును |
భావజగురునకు పంపునడతుము | శ్రీవేంకటపతి సేవింతుము ||