ప| ముచ్చుగన్నతల్లి చేరి మూలకు నొదిగినట్టు | తెచ్చినసంబళమెల్ల దీరుబో లోలోనె ||

చ|| దప్పముచెడినవానితరుణి కాగిట జేరి | అప్పటప్పటికి నుస్సురనినయట్టు |
వొప్పయినహరిభక్తివొల్లని వానియింటి- | కుప్పలైనసంపదలు కుళ్ళుబో లోలోనె ||

చ|| ఆకలిచెడినవాని అన్నము కంచములోన | వోకిలింపుచు నేల నొలికినట్లు |
తేకువైనహరిభక్తి తెరువుగాననివాని- | వేకపుసిరులు కొంపవెళ్ళుబో లోలోనె ||

చ|| వొడలుమాసినవాని వొనరుజుట్టములెల్ల | బడిబడినే వుండి పాసినయట్టు |
యెడయక తిరువేంకటేశు దలచనివాని- | అడరుబుద్ధులు పగలౌబో లోలోనె ||