ప : మూల మూల నమ్ముడు చల్ల - ఇది
రేలు పగలు కొనరే చల్ల

చ : పిక్కటిల్లు చన్నుల గుబ్బెత ఒక్కతి - కడు
చక్కనిది చిలికిన చల్ల
అక్కున చెమటగార నమ్మీని - ఇది
యెక్కడ పుట్టదు కొనరే చల్ల

చ : వడ చల్లుమేని జవ్వని ఒక్కతి - కడు
జడియుచు చిలికిన చల్ల
తడబడు కమ్మని తావులది - మీ
రెడయ కిపుడు కొనరే చల్ల

చ : అంకుల కరముల వొయ్యారొక్కతి - కడు
జంకెనల చిలికిన చల్ల
వేంకటగిరిపతి వేడుకది - ఇది
ఇంకా నమ్మీ కొనరే చల్ల