నామోము చూచిచూచి నడుమ నేలకొంకేవు
ఆముకొని మెచ్చగానే నడ్డమాడేనా ||

బత్తిగలవాడవు పడతి పాటివింటివి
చిత్తము రంజించి నీకు చెవిబట్టెనా
యిత్తల మే చెమరించె నెంతగరగెనో మతి
పొత్తుల వాకుచ్చి యాకె బొగడగరాదా ||

సరినిడుకొంటివి చదివించితి వాపెను
తిరమైన యాయర్ధము తెలిసితివా
నిరతి బులకలెల్లా నిండెను సంతోసమెంతో
అరుదైన వుడుగరట్టె ఇయ్యరాదా ||

శ్రీ వేంకటేశుడవు చెలియాట చూచితివి
భావించి నీకు గన్నుల పండుగాయనా
యీవల నన్నేలితివి ఇదెంత జాణతనమో?
సేవసేసే మిద్దరము సేసచల్ల రాదా ? ||