ప|| నాటికి నాడు గొత్త నేటికి నేడు గొత్త | నాటకపుదై వమవు నమో నమో ||

చ|| సిరుల రుక్మాంగదుచేతికత్తిధార దొల్లి | వరుస ధర్మాంగదుపై వనమాలాయ |
హరి నీకృపకలిమి నట్లనే అరులచే | కరిఖద్గధార నాకు గలువదండాయ ||

చ|| మునుప హరిశ్చంద్రమొనకత్తిధార దొల్లి | పొనిగి చంద్రమతికి బూవుదండాయ |
వనజాక్ష నీకృపను వరశత్రులెత్తినట్టి- | ఘనఖడ్గధార నాకు గస్తూరివాటాయ ||

చ|| చలపట్టి కరిరాజు కరణంటే విచ్చేసి | కలుషము బెడబాసి కాచినట్టు |
అలర శ్రీవేంకటేశ ఆపద లిన్నియు బాసి | యిలనన్ను గాచినది యెన్న గతలాయ ||