నే ననగా నెంతవాడ నెయ్యపుజీవులలోన
యీనెపాన రక్షించీ నీశ్వరుడేకాక

యెవ్వరు బుద్దిచెప్పిరి యిలపై జీమలకెల్లా
నెవ్వగ బుట్టల గొల్చు నించుకొమ్మని
అవ్వల సంసారభ్రాంతి అనాదినుండియు లోలో
దవ్వించి తలకెత్తేయంతర్యామేకాని

చెట్టుల కెవ్వరు బుద్దిచెప్పేరు తతికాలాన
బుట్టి కాచి పూచి నిండా బొదలుమని
గుట్టుతో జైతన్యమై గుణములన్నిటికిని
తిట్టపెట్టి రచించినదేవు డింతేకాక

బుద్దు లెవ్వరు చెప్పిరి పుట్టినట్టిమెకాలకు
తిద్ది చన్ను దాగి పూరి దినుమని
పొద్దువొద్దు లోన నుండి భోగములు మఱపిన
నిద్దపుశ్రీవేంకటాద్రినిలయుండేకాక